ကရင်အမျိုးသားအစည်းအရုံး KNU ၏ ထိန်းချုပ်နယ်မြေဖြစ်သော ခရိုင်(၇)ခုလုံးတွင် ရေကြီးမှုများ ဖြစ်ပေါ်နေပြီး၊ အဆိုးဆုံးမှာ ပဲခူးတိုင်း တောင်ငူခရိုင်နှင့် ညောင်လေးပင်ခရိုင်တို့ ဖြစ်သည်ဟု KNU ဘက်က ပြောသည်။ ရေဘေးကြောင့် ပြည်သူများ အတိဒုက္ခရောက်နေချိန်တွင် စစ်ကောင်စီက ရွေးကောက်ပွဲအတွက် ရည်ရွယ်ကာ သန်းခေါင်စာရင်းကောက်မည့်လုပ်ရပ်ကို လက်မခံကြောင်းလည်း KNU ပြောခွင့်ရ ပဒိုစောတောနီးက ပြောသည်။ KNU ထိန်းချုပ်နယ်မြေအတွင်း ရေကြီးနစ်မြှုပ်မှု အခြေအနေများ၊ ကူညီကယ်ဆယ်ရေးသမားများကို စစ်ကောင်စီကန့်သတ်၊ ပိတ်ပင်မှုများနှင့်ပတ်သက်ပြီး ပဒိုစောတောနီး ကို ဆက်သွယ်မေးမြန်းထားသည်။ မေးမြန်း – စောရယ်
