လွန်ခဲ့သော ၂ လကျော်ခန့်က မွန်ပြည်သစ်ပါတီမှ ခွဲထွက်လာသည့် အင်အားစုက မွန်ပြည်နယ်၊ ကျိုက်မရောနှင့်၊ ကရင်ပြည်နယ် ကော့ကရိတ်မြို့နယ်အတွင်း မဟာမိတ်တော်လှန်ရေးတပ်ဖွဲ့များနှင့်အတူ စစ်ကောင်စီကို တိုက်ခိုက်နေသည်။ ကျိုက်မရော၊ ကြာအင်းဆိပ်ကြီး၊ မုဒုံနှင့် သံဖြူဇရပ်တို့တွင် စစ်ဒေသ ၄ ခုခွဲ၍ လှုပ်ရှားနေကြသော မွန်ပြည်သစ်ပါတီ (စစ်အာဏာရှင်ဆန့်ကျင်ရေး) ၏ အဓိကမဟာမိတ်များမှာ ကရင်အမျိုးသားအစည်းအရုံး KNU နှင့် အမျိုးသားညီညွတ်ရေးအစိုးရ NUG တို့ ဖြစ်ကြသည်။ ၂ လကျော်အတွင်း မဟာမိတ်တော်လှန်ရေးတပ်ဖွဲ့များနှင့်အတူ စခန်းသိမ်းတိုက်ပွဲနှင့် ရင်ဆိုင်တိုက်ပွဲ ဆယ်နှင့်ချီကာ ပါဝင်တိုက်ခိုက်ပြီးဖြစ်သည့် ထိုအဖွဲ့က စစ်သည်အင်အား အတိအကျမပြောသော်လည်း အများအပြား တိုးတက်လာသည်ဟု ဆိုသည်။ အာဏာသိမ်းစစ်တပ်ကို လက်နက်ကိုင်တိုက်ပွဲဝင်ရန် ဆုံးဖြတ်ကာ မွန်ပြည်သစ်ပါတီမှ ခွဲထွက်သောသော မွန်ပြည်သစ်ပါတီ (စစ်အာဏာရှင်ဆန့်ကျင်ရေး) ၏ နိုင်ငံရေး၊ စစ်ရေး ရည်မှန်းချက်များအပါအဝင် လတ်တလော စစ်ရေးအခြေအနေများကို Myanmar Now က ဆက်သွယ်မေးမြန်းထားသည်။ မေးမြန်း၊ တည်းဖြတ် – စောရယ်၊ ဟန်သစ်
