ပျော်စရာဆိတ်သုဉ်းဦးမည့် စစ်သဏ္ဌာန်၊ စစ်သင်္ကြန်နှင့် တစ်ချိန်က လွမ်းစရာသင်္ကြန်များ
အတာသင်္ကြန်နေ့ရက်တွေဟာ ခွင့်ရက်ရှည်ရုံးပိတ်ရက်တွေဖြစ်လို့ အလုပ်သမားတွေ၊ ဝန်ထမ်းတွေ အနားယူကြ၊ မွေးရပ်မြေအသီးသီးကို ပြန်ကြပါတယ်။ လူငယ်တွေကတော့ သင်္ကြန်မတိုင်ခင်ကတည်းက ပျော်ပျော်ပါးပါးလည်ပတ်ဖို့ အစီအစဉ်တွေ အပြည့်နဲ့ပါပဲ။ ၂၀၂၁ ဖေဖော်ဝါရီ ၁ ရက် တစ်ကျော့ပြန်အာဏာသိမ်းမှုအပြီးမှာတော့ သင်္ကြန်မှာ အပူပင်မဲ့ ကခုန်နေတဲ့ လူပင်လယ်ကြီးတွေကို မမြင်ရတော့တာ ၄ နှစ်ရှိပါပြီ။ ဒီနှစ်မှာတော့ တန်ခူးနွေဟာ အရင်နှစ်တွေထက် ပိုပူနေပါတယ်။ မကြုံစဖူး အင်အားပြုန်းတီးလာတဲ့ စစ်ကောင်စီဟာ အတာမကူးခင် အာဏာရှင်ဘဝမကူးရအောင် အရွယ်ကောင်းလူငယ်အားလုံးကို စစ်ပွဲထဲ ဆွဲထည့်နေလို့ဖြစ်ပါတယ်။ အရပ်သားတွေကို စစ်ထဲ မဝင်မနေရစနစ် သတ်မှတ်လိုက်တဲ့ စစ်ကောင်စီဟာ ဆင့်ခေါ်ထားတဲ့သူတွေကို သင်္ကြန်မတိုင်ခင် တစ်ပတ်အလို ဧပြီလ ၈ ရက်နေ့ကစပြီး နိုင်ငံတစ်ဝန်းမှာ စစ်သင်တန်းတွေ စတင်ပို့ချနေပါပြီ။ ဒီလိုအချိန်ကာလမှာ ကျရောက်တဲ့ သင်္ကြန်ပွဲဟာ မြန်မာပြည်သူအများစုအတွက်ကတော့ ပူပန်မှုတွေနဲ့ ဖြတ်သန်းကြရမှာပါ။ သတင်း – ဟန်သစ်၊ အောင်ဇေ
