မွန်ပြည်နယ်၊ သထုံမြို့နဲ့ ဘီးလင်းမြို့ကြားမှာ ရှိတဲ့ တံတားတစ်စင်းကို ကရင်အမျိုးသားလွတ်မြောက်ရေးတပ်မတော် (KNLA) နဲ့ ပူးပေါင်းတပ်ဖွဲ့တွေက ဇွန်လ ၂၈ ရက်နေ့ ည ၉ နာရီမှာ ဖောက်ခွဲဖျက်ဆီးလိုက်တာပါ။ တံတားတစ်ခြမ်း ကျိုးကျပြီး ကားသုံးစီး ပျက်စီးခဲ့သလို စစ်ကောင်စီဝန်ထမ်းတစ်ဦး သေဆုံးပြီး ရဲတစ်ဦးလည်း ဒဏ်ရာရခဲ့တယ်လို့ သိရပါတယ်။ ဇွန်လ ၂၉ ရက် မနက်ပိုင်းမှာလည်း အဲ့ဒီတံတား ပျက်စီးမှုအခြေအနေကို လာကြည့်တဲ့ စစ်ကောင်စီရဲ့ အုပ်ချုပ်ရေးနဲ့ လုံခြုံရေးအဖွဲ့တွေကို ပူးပေါင်းတပ်ဖွဲ့တွေက ဒရုန်းနဲ့ တိုက်ခိုက်ရာမှာ ၂ ဦး သေဆုံးပြီး ဒဏ်ရာရသူ ၃ ဦး ရှိတယ်လို့ ကရင်အမျိုးသားအစည်းအရုံး (KNU) ဘက်က အတည်ပြုပါတယ်။ စစ်ကောင်စီက လူအင်အား၊ လက်နက်အင်အားနဲ့ ရိက္ခာဖြည့်တင်းဖို့ သုံးနေတာကြောင့် လမ်းကြောင်းဖြတ်တောက်တဲ့အနေနဲ့ တံတားကို ဖောက်ခွဲဖျက်ဆီးခဲ့တာလို့ KNU သထုံခရိုင်တာဝန်ရှိသူက ပြောပါတယ်။ ဒီအခြေအနေတွေနဲ့ ပတ်သက်လို့ KNU ရဲ့ သထုံခရိုင် မိတ်ဖက်ရေးရာ ကြီးကြပ်မှုကော်မတီဥက္ကဋ္ဌ ဗိုလ်မှူးစောကျော်မြင့်ကို Myanmar Now က ဆက်သွယ်မေးမြန်းထားပါတယ်။
မေးမြန်း – စထွန်းအောင်
