ICJ တွင် ဂမ်ဘီယာနိုင်ငံ၏ စွပ်စွဲမှုများကို UEHRD က တုံ့ပြန်ငြင်းဆန်

ထို့ပြင် မွတ်စလင်များ မူရင်းနေထိုင်ခဲ့သည့် နေရာများကို ရှင်းလင်းပြီး သိမ်းယူရာတွင် UEHRD က ဦးဆောင်ပါဝင်နေသည်ဟု ပြောဆိုသွားသည်။

“မြေနေရာ သိမ်းယူသည့်ကိစ္စနှင့် ပတ်သက်၍ အပြည်ပြည်ဆိုင်ရာတရားရုံးတွင် စွပ်စွဲမှုများကို UEHRD က တိကျပြတ်သားစွာ ငြင်းဆိုလိုက်သည်။ ယင်းကဲ့သို့ မြေနေရာသိမ်းယူခြင်းကို ၎င်းတို့အနေနှင့် မည်သည့်အခါကမျှ ပြုလုပ်ခဲ့ခြင်း မရှိ” ဟု ယနေ့ ထုတ်ပြန်သည်။

ထို့ပြင် “ပြန်လည်လက်ခံရေးနှင့် ယာယီနားနေရန် နေရာများ ဆောက်လုပ်ရာတွင် ရခိုင်အစိုးရက ထောက်ပံ့သည့် မြေနေရာများကို အသုံးပြုခဲ့သည်” ဟု UEHRD ထုတ်ပြန်ချက်တွင် ဖော်ပြထားသည်။

လူမျိုးသုဉ်းသတ်ဖြတ်မှုများ ဖြစ်ပွားခဲ့သည်ဟုဆိုကာ မြန်မာနိုင်ငံကို တရားလို ဂမ်ဘီယာနိုင်ငံဘက်မှ တရားစွဲဆိုထားသည့်အမှုကို ယမန်နေ့က စတင် စစ်ဆေးနေပြီး တရားလို ဂမ်ဘီယာနိုင်ငံဘက်မှ နှစ်ရက်နှင့် မြန်မာနိုင်ငံဘက်မှ နှစ်ရက် စုစုပေါင်း လေးရက် ကြားနာမည်ဖြစ်သည်။

ယနေ့ ညနေ မြန်မာစံတော်ချိန် ၃ နာရီခွဲအချိန်တွင် မြန်မာနိုင်ငံဘက်မှ ဒေါ်အောင်ဆန်းစုကြည် ဦးဆောင်ပြီး ပြန်လည်ချေပမည်ဖြစ်သည်။