ချင်းကာကွယ်ရေးတပ်များနှင့် စစ်ကောင်စီတပ်အပြိုင်တပ်စွဲထားသည့် ချင်းပြည်နယ်၊ ထန်တလန်မြို့တွင် စစ်ကောင်စီခန်းကုန်းကို ထောက်ပို့လာသည့် ရဟတ်ယာဉ်တစ်စီးကို ချင်းဒေသကာကွယ် ရေးအဖွဲ့များက တိုက်ခိုက်ခဲ့သည်။
မတ်လ ၃ ရက်နေ့ ညနေပိုင်းတွင် တပ်ကုန်းကိုဆင်းသက်လာသည့် MI 17 ထောက်ပို့ရဟတ်ယာဉ် ကို ချင်းဒေသကာကွယ်ရေးအဖွဲ့များက ဒရုန်းဖြင့် တိုက်ခိုက်ခဲ့ခြင်းဖြစ်သည်။
ယမန်နေ့က ချင်းအမျိုးသားတပ်မတော်မှ ထုတ်ပြန်သည့် ဗီဒီယိုဖိုင်များအရ ရဟတ်ယာဉ်တစ်စီး မီးခိုးများအူလျှက် ပျံတက်သွားပြီးနောက် တောင်ကုန်းပေါ်ရှိ ရဟတ်ယာဉ် ဆင်းသက်ခဲ့ရာအနီးရှိ ပစ္စည်းများ ပေါက်ကွဲနေသည်ကို တွေ့ရသည်။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/registe… နှိပ်၍ လှူဒါန်းနိုင်ပါသည်)
[youtube https://www.youtube.com/watch?v=fwk_xXPisgY]
