ဥကရစ်ထတိုက်ပွဲ ၆ ရက်မြောက်အထိ ပြင်းထန်နေဆဲ

ကရင်ပြည်နယ် မြဝတီမြို့တောင်ဘက် ၁၈ မိုင်ကွာ ထိုင်း-မြန်မာနယ်စပ်အနီးရှိ စစ်ကောင်စီ၏ ခြေကုတ်စခန်း ဥကရစ်ထတွင် တိုက်ပွဲများ အပြင်းအထန်ဖြစ်နေသည်မှာ ခြောက်ရက်မြောက်ရှိပြီဖြစ်သည်။ ထိုစစ် တပ်စခန်းကို ကရင်အမျိုးသားအစည်းအရုံး (KNU) လက်အောက်ခံ ပူးပေါင်းတပ်ဖွဲ့များက ဇွန် ၂၆ ရက် တွင် စတင်ဝင်ရောက်တိုက်ခိုက်ခဲ့ခြင်းဖြစ်သည်။

စစ်ကူလာသော တပ်မ ၄၄ လက်အောက်ခံ စစ်ကြောင်းကို ကြားဖြတ်တိုက်ခိုက်စဉ် သိမ်းဆည်းရမိသော လက်နက်ခဲယမ်းများကို ကရင်လက်နက်ကိုင်တပ်ဖွဲ့များက ထုတ်ပြန်ထားပြီး၊ တိုက်ပွဲအပြင်းအထန် ဖြစ်နေဆဲဖြစ်ကြောင်းလည်း သိရသည်။

ထိုင်း-မြန်မာနယ်စပ်အနီး ဥကရစ်ထစခန်းတိုက်ပွဲ အခြေအနေနှင့် ပတ်သက်၍ KNDO အထူးကွန်မန်ဒို စစ်ကြောင်းတစ်ခုဖြစ်သော Venom ၏ စစ်ကြောင်းမှူး စောဝင်းမြင့်ကို Myanmar Now က ယနေ့ (ဇူလိုင် ၁) မွန်းလွဲပိုင်းတွင် ဆက်သွယ်မေးမြန်းထားသည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)