တောင်ကုတ်မြို့နယ်တွင် ရပ်ကွက် ၁၄ ရပ်ကွက်နှင့် ကျေးရွာအုပ်စု ၅၂ အုပ်စု ရှိပြီး မဲဆန္ဒရှင် ၁ သိန်း ၁ သောင်းကျော်ရှိသော်လည်း မြို့ပေါ်ရပ်ကွက် ၄ ရပ်ကွက်မှ လူဦးရေ ၂၄၀၀၀ ကျော်သာ မဲပေးခွင့်ရမည် ဖြစ်သောကြောင့် မျှတပြီး အများပြည်သူကို ကိုယ်စားပြုသည့်ရွေးကောက်ပွဲ ဖြစ်နိုင်ခြေနည်းပါးသွားလိမ့်မည်ဟု တောင်ကုတ်မြို့နယ်မှ ဝင်ရောက်ယှဉ်ပြိုင်ကြမည့် လွှတ်တော်ကိုယ်စားလှယ်လောင်းများက ဆိုကြသည်။ တပ်မတော်နဲ့ ရက္ခိုင့်တပ်တော် အေအေတို့ တိုက်ပွဲများဖြစ်ပွားနေသည့်ရခိုင်ပြည်နယ် ၏ မြို့နယ် ၉ ခုနှင့် တောင်ကုတ်မြို့နယ်အပါအဝင် အခြားမြို့နယ် လေးမြို့နယ်၏ ရပ်ကွက်အချို့နှင့် ကျေးရွာအုပ်စုများတွင် ရွေးကောက်ပွဲမကျင်းပနိုင်တော့ကြောင်း ပြည်ထောင်စုရွေးကောက်ပွဲကော်မရှင်က အောက်တိုဘာလ ၁၆ ရက် နေ့စွဲဖြင့် ထုတ်ပြန်ကြေညာထားသည်။
သတင်းနှင့်ရိုက်ကူး – စိုးဇံအောင်၊ ဇေယျာမော်/Myanmar Now
[youtube https://youtu.be/TFY7TSh2Zso]
