စစ်တပ်က အာဏာသိမ်းပြီး တစ်နှစ်ကျော်အကြာ စီးပွားရေးမြို့တော် ရန်ကုန်မှ မေလ ၃ ရက်နှင့် ယနေ့ (မေ ၄) နံနက်ပိုင်း မြင်ကွင်းအချို့ဖြစ်သည်။ အချို့သော နေရာများတွင် လှုပ်ရှားသွားလာနေသူများ မြင်တွေ့ရသော်လည်း ယခင်နှင့် မတူသည်များလည်းရှိသည်။
ရန်ကုန်မြို့ရှိ လမ်းဆုံလမ်းခွနေရာအချို့တွင် စစ်ကောင်စီတပ်ဖွဲ့ဝင်များ အခိုင်အမာအကာအကွယ်ယူထားသည်ကို တွေ့ရသည်။ ခုခံတော်လှန်သူများ၏ ပြောက်ကျားတိုက်ခိုက်မှုကို ကြောက်ရွံ့နေသောကြောင့်ဖြစ်သည်။ လမ်းမထက်တွင် အတားအဆီးများချကာ ယာဉ်ထိန်းရဲ၊ ရဲနှင့် စစ်သားများက လမ်းသွားလမ်းလာနှင့် မော်တော်ယာဉ်များကို စစ်ဆေးနေသည်လည်း ရှိသည်။
မြန်မာနိုင်ငံတွင် အခြေအနေတည်ငြိမ်နေကြောင်းပြသရန် အာဏာသိမ်းစစ်ကောင်စီက ရုပ်ရှင်ရုံများကို ဖွင့်လှစ်စေခဲ့သော်လည်း ရန်ကုန်မြို့ရှိ ရုပ်ရှင်ရုံအချို့တွင် လူသူကင်းမဲ့နေသည်ကို ယမန်နေ့ (မေ ၃) က တွေ့ရသည်။
ရုပ်ရှင်ရုံများမှာ ကိုဗစ်နိုင်တင်း (Covid-19) ကပ်ရောဂါ စတင်ဖြစ်ပွားစဉ်ကတည်းက ပိတ်ထားခဲ့ခြင်းဖြစ်ကာ အာဏာသိမ်းပြီးတစ်နှစ်ကျော်အကြာတွင် စစ်ကောင်စီက ပြန်ဖွင့်စေခဲ့ခြင်းဖြစ်သည်။ သို့သော် ရုပ်ရှင်ကြည့်သူ မတွေ့ရဘဲ ဖြတ်သန်းသွားလာသူ တစ်ယောက်စနှစ်ယောက်စသာ တွေ့ရသည်။
ဓာတ်ပုံများ – ဝေမျိုး/ Myanmar Now
