
အသက် ၈၀ အရွယ် အမျိုးသားဒီမိုကရေစီအဖွဲ့ချုပ် (NLD) နာယက ဦးဝင်းထိန်မှာ အကျပ်အတည်းများ ကြုံရတိုင်း “ဒုက္ခပါပဲ သုခရာ”ဟု အရွှန်းဖောက်လေ့ရှိသူဖြစ်သည်။ စစ်ကောင်စီကို ဝေဖန်မှုဖြင့် အာဏာသိမ်းပြီးကတည်းက ဖမ်းဆီးခံရပြီး အမှုရင်ဆိုင်နေရသူလည်းဖြစ်သည်။
စစ်ကောင်စီက အငြိုးတကြီးဖြင့် ထောင်ဒဏ် နှစ်နှစ်ဆယ်ချမှတ်ခံရသည့်အချိန်တွင် ဦးဝင်းထိန်သည် တရားခွင်ထဲ၌ပင် သူ့ကို ထောင်ချရန် အချိန်၉ လလောက်အမှုစစ်စရာမလိုကြောင်း အရွှန်းဖောက်ပြောဆိုခဲ့သလို တရားသူကြီးများကိုလည်း CDM မလုပ်ဘူးလားဟု မေးခဲ့ကြောင်း သူ၏ရှေ့နေတွေက ပြောကြပါသည်။
[youtube https://youtu.be/lXYvLfhuLJU]