“ကျန်းမာရေးအဆိုးဆုံးက ကိုမြအေး ဖြစ်နေတယ်”

“အချင်းချင်းတတ်နိုင်သလောက် သည်းခံ၊ ခွင့်လွတ်ပြီးတော့ စည်းစည်းလုံးလုံးနဲ့ (ထောင်)အထဲမှာ ကျန်နေသေးတဲ့သူတွေရဲ့ကိုယ်စား နှစ်ဆအားစိုက်ပြီး ဆက်တိုက်ပေးပါဆိုပြီး သတင်းစကားပါးပေးပါဆိုပြီး ပြောတယ်”

၈၈မျိုးဆက်ကျောင်းသားခေါင်းဆောင် ဦးမြအေးဟာ အင်းစိန်ထောင်ထဲမှာ ဖမ်းဆီးခံထားရတဲ့ ဒီမိုကရေစီရေးတက်ကြွလှုပ်ရှားသူတွေ၊ နိုင်ငံရေးသမားတွေထဲ ကျန်းမာရေးအခြေအနေ အဆိုးဆုံးဖြစ်နေတယ်လို့ အောက်တိုဘာလ ၁၈ရက်နေ့က ပြန်လွတ်လာသူတစ်ဦးက ပြောပြပါတယ်။

အသက် ၅၄နှစ်အရွယ် ဦးမြအေးရဲ့ ကျန်းမာရေးအခြေအနေက ဘယ်လောက်စိုးရိမ်ရပါသလဲ။ စစ်အာဏာသိမ်းတဲ့ ဖေဖော်ဝါရီလ ကတည်းက ဖမ်းဆီးခံထားရတဲ့ ဦးမြအေးရဲ့ လက်ရှိအခြေအနေတွေအပေါ် သဘောထားရပ်တည်ချက်ကကော ဘယ်လိုရှိပါသလဲ။ ဦးမြအေးနဲ့ တွေ့ဆုံစကားပြောခဲ့ရသူကို Myanmar Now က ဆက်သွယ်မေးမြန်းထားပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်)