သတင်း

စစ်​ကောင်စီတပ်ဖွဲ့ဝင်များ အမျိုးသားများကို ဖမ်းဆီးပြီး အတင်းအဓမ္မလုပ်အား​ပေးခိုင်း 


ရန်ကုန်မြို့တွင် ​နေရာအချို့ ၌ စစ်​ကောင်စီ ၏တပ်ဖွဲ့ဝင်များကယ​နေ့ (မတ် ၁၇)တွင် ရပ်ကွက်​နေပြည်သူနှင့် လမ်းသွားလမ်းလာပြည်သူများထဲမှ အမျိုးသားများကို ​ပေါ်တာဆွဲသကဲ့သို့ ဖမ်းဆီး​ခေါ်​ဆောင်ပြီး လမ်း​ပေါ်မှအတားအဆီးများကို ဖယ်ရှားခိုင်းကာအတင်းအဓမ္မလုပ်အား​ပေး​စေခိုင်း​နေ​ကြောင်း မျက်မြင်​တွေရှိ​သောပြည်သူများက​ပြောသည်။

လှိုင် ၊ ကမာရွတ် ၊ရန်ကင်း၊မရမ်းကုန်းစ​သော မြို့နယ် များရှိ ရပ်ကွက်အချို့ တွင် ရပ်ကွက်​နေ ပြည်သူနှင့် လမ်းသွားလမ်းလာများထဲမှ အမျိုးသားများကို လိုက်လံဖမ်းဆီး​ခေါ်​ဆောင်ကာ လမ်း​ပေါ်နှင့် ရပ်ကွက်ထိပ်ရှိ အတားအဆီးများကို ဖယ်ရှား​ခိုင်းပြီး အတင်းအဓမ္မလုပ်အား​ပေး​စေခိုင်းခဲ့ခြင်းဖြစ်သည် ။

ကမာရွတ်မြို့နယ် လှည်းတန်းရှိ ရပ်ကွက်နေ အမျိုးသားတစ်ဦးအား ယနေ့နံနက်တွင် ရဲတပ်ဖွဲ့က ဖမ်းဆီးခေါ်ဆောင်ပြီး လမ်း​ပေါ်မှ အတားအဆီးများနှင့်သဲအိတ်များကိုဖယ်ရှားခိုင်းသည်ကို မြင်​တွေ့ခဲ့​သော မျက်မြင်သက်သေတစ်ဦးက
“ အမျိုးသားတွေပဲ ခေါ်တာ။ ယောက်ျားတွေထွက်ခဲ့ကြဆိုပြီး ဆဲဆိုပြီးခေါ်တာ။ လမ်းသွားလမ်းလာတွေကိုလည်း ဖမ်းဆီး သဲအိတ်တွေဖယ်ခိုင်းတယ်။ နောက်နေ့တွေ မိန်းမတွေပါ ခေါ်မယ်ဆိုပြီး အော်သွားတယ်”ဟု ပြောသည်။

လှည်းတန်းတွင် အမျိုးသား အနည်းဆုံး ၂၀ခန့် ဖမ်းဆီးခံခဲ့ရပြီး နာရီပိုင်းကြာ သဲအိတ်များကို ဖယ်ရှားခိုင်းပြီးမှ ပြန်လွှတ်ပေးခဲ့ကြောင်း ၎င်းက ဆက်ပြောသည်။

အလားတူ ရန်ကင်းမြို့နယ် မိုး​ကောင်းလမ်း၊ ရန်ရှင်းလမ်းနှင့် မရမ်းကုန်းမြို့နယ်ရှိ ပါရမီလမ်းတွင်လည်း အမျိုးသားများကို အတင်းအဓမ္မဖမ်းဆီးကာ လုပ်အား​ပေး​စေခိုင်းခဲ့​ကြောင်း လည်း ရပ်ကွက်​နေပြည်သူအချို့က ​ပြောသည်။ ရန်ကင်းမြို့နယ် မိုး​ကောင်းလမ်း​ပေါ်တွင်လည်းစစ်သားများက ပြည်သူများထဲမှ အမျိုးသားများကို ဖမ်းဆီးပြီး ​နေပူထဲတွင် ထိုင်ခိုင်းပြီး​နောက် လမ်း​ပေါ်မှအတားအဆီးများကို ဖယ်ရှားခိုင်း​နေသည်ကိုလည်း ​ဖေ့ဘွတ်လူမှုကွန်ရက်တွင် တက်လာ​သော ဓာတ်ပုံများတွင်​လည်း တွေ့ရသည်။

Show More

Related Articles

Back to top button