
နေပြည်တော်တွင် ပြီးခဲ့သောရွေးကောက်ပွဲတွင် ရရှိထားသည့် အနိုင်ရလဒ်ကို အမျိုးသားဒီမိုကရေစီအဖွဲ့ချုပ်ပါတီက ဆက်ထိန်းထားလိုက်နိုင်သည်။ ယမန်နေ့ကကျင်းပသည့် ရွေးကောက်ပွဲအပြီးမဲရလဒ်များအရ ယခင်ကအတိုင်း တပ်မတော်ကာကွယ်ရေးဦးစီးချုပ်ရုံးစိုက်သည့် ဇေယျာသီရိပြည်သူ့လွှတ်တော်နေရာ တစ်ခုတည်း၌သာ ရှုံးခဲ့ပြီး ကျန်သည့် မဲဆန္ဒနယ်၉ခုစလုံးတွင် NLDက အနိုင်ရခဲ့ခြင်းဖြစ်သည်။ လက်ရှိရလဒ်အရ ဇေယျာသီရိမြို့နယ်တွင် အရေးနိမ့်ရခြင်းမှာ လုံခြုံရေးအကြောင်းပြချက်ဖြင့် တိုက်ဆိုင်စစ်ဆေးနိုင်ခြင်းမရှိသည့် တပ်မတော်ကြိုတင်မဲများကြောင့်ဖြစ်သည်ဟု NLD တာဝန်ရှိသူက သုံးသပ်သည်။
(သတင်းနှင့်ရိုက်ကူး- မင်းမင်း/Myanmar Now)
[youtube https://youtu.be/uJA1B1lQFMQ]