လမ်းတချို့ အခိုင်အမာပိတ်ဆို့မှု ဖြေလျှော့ပေမယ့် လူဝင်ထွက်ဖို့ခက်နေဆဲ

ရန်ကုန်တိုင်းအစိုးရ၏ ညွှန်ကြားစာထွက်လာပြီးနောက် စက်တင်ဘာလ ၁၂ ရက်နေ့တွင် လမ်းတချို့ အခိုင်အမာပိတ်ဆို့ထားမှုများ ဖြေလျှော့ပေးခဲ့သော်လည်း လူဝင်လူထွက်များ ဆက်လက်ပိတ်ထားသောကြောင့် လမ်းတွင်းနေပြည်သူများ သွားလာရေးအခက်အခဲများကြုံနေရဆဲဖြစ်သည်။ Stay at Home သတ်မှတ်သည့် စည်းကမ်းချက်များထဲတွင် တတ်နိုင်သမျှအိမ်ထဲမှာနေရန်နှင့် မလိုအပ်ဘဲအပြင်မထွက်ရန် ညွှန်ကြားထားသော်လည်း အလုပ်လုပ်ကိုင်သူများ ဈေးဝယ်ရမည့်သူများ ကျန်းမာရေးကိစ္စ ဆေးရုံဆေးခန်းပြမည့်သူများကိုတော့ သတ်မှတ်ထားသည့် စည်းကမ်းများနှင့်အညီ အပြင်ထွက်ခွင့် ပြုထားပါသည်။

သတင်းနှင့်ရိုက်ကူး – ဇေယျာမော်/Myanmar Now