ဒုတိယနေ့တွင် အခြေခံဥပဒေပါ သမ္မတ၏အသက်ကန့်သတ်ချက်ကိုပင် ပြင်ခွင့်မရ

ဒေါ်အောင်ဆန်းစုကြည်ကို သမ္မတဖြစ်ခွင့်ဟန့်တားထားသည့် ပုဒ်မ ၅၉(စ)အပါအဝင် အမျိုးသားကာကွယ်ရေးနှင့် လုံခြုံရေးကောင်စီဆိုင်ရာ ပုဒ်မများကို ပြင်ဆင်မည့် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး မဲခွဲမှုဒုတိယနေ့တွင် မည်သည့်ပုဒ်မမျှ ပြင်ဆင်နိုင်ခဲ့ခြင်းမရှိပေ။

ပြည်ထောင်စုလွှတ်တော်၌ ယနေ့မဲခွဲရာတွင်အသုံးပြုသည့် ဆန္ဒမဲလက်မှတ် ၂ တွင်ပါရှိသည့် ပြင်ဆင်ရန် အဆိုပြုချက် ၁၆ ချက်ရှိပြီး အမျိုးသားဒီမိုကရေစီ အဖွဲ့ချုပ် (NLD) ဦးဆောင်သော ၄၅ ဦးကော်မတီက ပြင်ဆင်ရန်အဆိုပြုမှု ၁၂ ခုအထိ ပါဝင်သည်။

ပြည်ထောင်စုကြံ့ခိုင်ရေးဖွံ့ဖြိုးရေးပါတီက တင်သွင်းသည့် ပြင်ဆင်ချက် ၄ ခုလည်း ယနေ့ပါဝင်ပြီး NLD နည်းတူပင် လုံလောက်သည့်ထောက်ခံမဲ မရခဲ့ပေ။

[[{“fid”:”5487″,”view_mode”:”full”,”fields”:{“format”:”full”,”field_file_image_alt_text[und][0][value]”:false,”field_file_image_title_text[und][0][value]”:false,”field_media_description[und][0][value]”:””,”field_media_description[und][0][format]”:”filtered_html”},”type”:”media”,”field_deltas”:{“1”:{“format”:”full”,”field_file_image_alt_text[und][0][value]”:false,”field_file_image_title_text[und][0][value]”:false,”field_media_description[und][0][value]”:””,”field_media_description[und][0][format]”:”filtered_html”}},”link_text”:null,”attributes”:{“class”:”media-element file-full”,”data-delta”:”1″}}]]

 

သမ္မတအသက်ကန့်သတ်ချက်နှင့်ပတ်သက်၍ NLD နှင့် ပြည်ခိုင်ဖြိုးတို့ ပြင်ဆင်ချက်အပြိုင်တင်သွင်းထားသောကြောင့် နှစ်ခုယှဉ်၍ မဲခွဲဆုံးဖြတ်ရာတွင်လည်း မည်သူမျှ အနိုင်မရဘဲရှိခဲ့သည်။

ယနေ့ပြည်ထောင်စုလွှတ်တော် အစည်းအဝေးသို့ ကိုယ်စားလှယ်စုစုပေါင်း ၆၃၅ ဦးသာတက်ရောက်ပြီး NLD ၃၈၀ ဦး၊ တပ်မတော်သား ၁၆၆ ဦးတို့က အင်အားအများဆုံးဖြစ်သည်။